General Santos City—Nailhan na ang babayeng una nang nakaplagan sa bakanteng luna sa may boundary nga bahin sa Barangay Sinawal ug Barangay Apopong niadtong adlawng Byernes sa nakalabayng Simana.
Usa ka Joan Tugunon nga taga Barangay Fatima ang una nang nahidangat sa buhatan sa Police Station 2 alas 9:40 sa buntag kagahapong adlawa diin iyang gikumperma nga iyang anak nga si Jian Ceriales, 30 anyos ang nakaplagang patay.
Naila sa ginang ang iyang anak pinaagi sa gisul-ob niining senina. Gikaingong pipila na ka adlaw nilang gipangita ang biktima kansa adunay deperensya sa panghuna-huna human nga wala na kini miuli sa ilang balay.
Kahidumnuman nga una nang nakaplagan ang patayng lawas sa nasampit ala 1:00 sa kaadlawon sa lugar din parti sa lawas niini ang gikitkit na sa iro.
