Davao City- Nagpatabang ug nagpatala sa San Pedro Police Station ang usa ka Alyas Lian, 42 anyos, usa ka call center agent, residente sa Ruby Street Marfori Brgy. 9-A ning dakbayan sa Davao human gipangayuan siya og kwarta sa usa ka babae aron dili na magsamok-samok sa iyang ka live in partner.
Sumala sa complainant, kaniadtong Nobyembre 5 alas 9:28 sa gabii, usa ka Alyas Cha nga taga Samal matud pa ang nangilkil kaniya ug gipangayoan siya pinaagi sa text message sa kantidad nga 10,000.00 pesos.
Human nga nakigkita ang complainant sa babae sa usa ka coffee shop dinhi sa syudad, gihimo sa San Pedro PNP ang entrapment operation batok sa suspek ug sa dihang gihimo na ang transakyon, nasikop sa otoridad ang suspek ug nakuha pa gikan sa possession sa babae ang usa ka android cellphone nga maoy gigamit sa pagpangilkil.
Ang suspek anaa na sa kustodiya sa San Pedro PNP ug mag atubang og kasong extortion.
RadyoMaN Don Pulayao
