Davao City – Paingon na pagkadugta ang patay’ng lawas sa usa ka babaye dihang nakaplagan kini naglu-taw-lutaw sa kadagatan sa Barangay Centro, Manay, Davao Oriental kagahapon adlawa.
Giingong pila na ka adlaw nawala ang maong babaye ug anaa na sa state decomposition ang lawas niini samtang naglutaw sa kadagatan sa nasangpit nga dapit.
Usa ka Randy Briones nga empleyado sa Municipal Fisheries Aquatic Resources Management Council nagpahibalo sa kapulisan labot sa naglutaw-lutaw nga patay’ng lawas alas 8:55 gahapon sa buntag.
Si SPO1 Redendo Ong sa Manay Municipal Police Station nagsulti nga posibleng nalumos ang biktima samtang naligo sa dagat.
Gisuwayan pa og dala sa Davao Oriental Provincial Hospital ang biktima apan si Dr.Ariel Maghari nagdeklara sa babaye nga patay na.
Usa ka pamilya nga nagpailang kabanay miila sa biktima nga mao si Luzviminda Diomaboc Duay, 58 anyos, dalaga, ug nagpuyo sa Purok Poblacion Barangay Zaragosa, nasangpit nga lungsod.
RadyoMaN Joel Viray
