Estudyante nabanggaan og kotse sa Catalunan Pequeno

7

Davao City – Daling gitabang sa central 911 medic team ang usa ka estudyante human naligsan og kotse samtang patabok kini sa Davao-Bukidnon Highway karon lang buntag.

Gidapatan gilayon og inisyal nga tambal sa medic team ang biktima nga giila nga si Shemera Nicole Reyes, grade 7 sa Catalunan Pequeno National High School, ug nagpuyo sa nasangpit nga lugar.

Ang biktima nabanggaan sa kotse nga gimanehoan sa usa ka Madonna Virtudazo, magtutudlo sa Imelda Elementary School nga nahimutang sa barangay Santo Nino, Mintal ning dakbayan.

Ang biktima dayon gihatud sa Southern Philippines Medical Center alang sa dugang pag-tambal kaniya.

RadyoMaN Joel Viray

Facebook Comments