Sa interbyu sa DXDC RMN Davao kang Police Lieutenant Colonel Jay Dema-ala, Office in Charge (OIC) sa Tagum City PS, gibutyag niini nga nalambigit sa droga ang biktima nga si Mary Jane Villarito, 23 anyos, residente sa Barangay Cabuyuan, Mabini, Davao de Oro.
Nasayrang adunay kaubang lalaki ang biktima nga suki na sa maong inn, una nahitabo ang insidente. Pag-check sa room boy didto na nakit-ang wala nay kinabuhi ang biktima nga adunay samad pinusilan sa ulo, diin narekober usab sa crime scene ang bala sa .45 caliber pistol.
Sa pagkakaron, aduna nay persons of interest ang kapulisan ilabi na nga kaila ra usab sa biktima ang suspetsado.
“Based sa amoang monitoring, involved gyud kining babae (biktima) sa pagbaligya og shabu. So, mao ‘to nga ginatan-aw pud namo ang iyang mga cohort kung sino doon ‘yung mga possible suspect,” sulti sa pulis.
Ginasuta pa usab karon sa awtoridad ang mga closed-circuit television (CCTV) pasulod sa Inn, diin walay CTTV mismo ang Inn kung asa nahitabo ang krimen.
RadyoMaN Kirby Manzon
