General Santos City–Nadakpan ang usa ka babaye sa gihimong buy-bust operation sa operatiba sa Police Station 2, alas 8:47 sa buntag, niadtong Nobyembre 13, 2018 nga ginapangunahan ni SPO1 Oscar Estrada ubos sa pagdumala ni Police Senior Inspector Robert B. Flores.
Giila ang dinakpan nga si Joan Tamala Ferrer, 30 anyos, minyo, gatrabaho sa Fishport ug gapuyo sa Prk. Placida, Brgy. Calumpang, General Santos City.
Narekober sa iyang posisyon ang usa ka sachet nga gikatuohan nga shabu, ug P500.00 nga drug-bust money.
Gidala ang suspect sa Police Station 2 human gipailawom sa medical examination sa Dr. Jorge P. Royeca Hospital.
Gikatakda nga pasakaan ug kaso nga paglapas sa RA 9165 kon Comprehensive Dangerous Drugs Act of 2002 ang dinakpan. (Niña Elyza A. Opeña)
