Babayi nga may diperensya sa pamensaron na hit and run sa Bacolod, patay

BACOLOD CITY  –  Patay ang isa ka babayi nga ginapatihan may diperensya sa paminsaron matapos ma hit and run sa Circumferential Road, Brgy. Bata diri sa ciudad sang Bacolod pasado las 10 kagab-i.

 

Suno sa imbestigador sang Police Station 3 nga si PO3 Eliseo Andraneda, posible nga nadalasa sang isa ka truck ang biktima nga yara sa higad sang dalan.

 

Samtang, maswerte naman nga nakasalbar ang ginabitbit nga kuring sang biktima durante natabo ang aksidente.

 

Nahibaluan nga masami gali nga ginatipon sang biktima ang mga kuring nga iya makita sa dalan kag ini ang iya ginadala-dala.

 

Sa karon natalana nga iga check sang police ang CCTV malapit sa lugar sang insidente agud madasig masulbar ang kaso./dyHB BACOLOD



 

Facebook Comments