Hisgutanan sa peace and order sa Mindanao, dili babag aron mapalambo ang turismo sumala ni Tourism Undersecretary De Castro

47

ILIGAN CITY Nagtoo si Tourism Undersecretary Katherine De Castro nga dili babag ang peace and order situation aron hatagan o bobo-an sa igong pundo ang industriya sa turismo sa pulo sa Mindanao ilabi na sa rehiyon 10.
 
Magdepende lang matud pa kini sa ipagawas nga travel advisory sa ahensya sa gobyerno nga responsable usab sa tukmang impormasyon aron dili makahatag ug dautang imahe sa ubang lugar nga wala malakip sa kagubot sa Mindanao.
 
Matud ni De Castro nga bisan asa nga lugar aduna gayu’y ubang parte niini nga kagubot hinungdan nga daku iyang pagtoo nga dili babag ang paglambo sa turismo sa usa ka lugar gumikan lamang sa hisgutanan sa peace and order.
 
Kini mao’y nahimong pamahayag ni de castro atubangan sa mga sakop sa prensa niadtung pagbukas sa byahe sa cebupacific gikan sa laguindingan airport paingon sa tagbilaran ug Bacolod.


Facebook Comments