‘BABE KITAAY NA LANG KITA SA PIHAK NGA KABUHI | Isa ka lalaki sa banwa sang Dingle naghikog patay

Dingle, Iloilo- Naghikog patay ang isa ka 20 anyos nga lalaki sa Brgy. Camambugan ,Dingle, Iloilo alas 11:00 kagab-i, Abril 21.

Ginkilala ang biktma nga si Jared Dalde sang nasambit nga lugar.

Nahibaluan nga nasapwan na lang nga nagakabit sa ila balayan ang biktima gamit ang lubid .


Ginhingagaw pa dala sa hospital si Dalde apang gindeklara nga dead on arrival.

Ginpahayag ni SInsp Samuel Vepenosa sang Dingle PNP nga base sa ila inisyal nga imbestigasyon posible may indi pag-intyindihanay sa tunga ni Dalde kag sang nobya kag nangin rason sang iya paghikog.

Dugang pa ni Vepenosa nga nagpadala sang text message si Dalde sa nobya kag daw kasubong nga nagapamilinbilin kag may plano nga magpanginmatay.

Kabahin sa text message ang mga tinaga nga , ” Babe kitaay na lang kita sa pihak nga kabuhi.”

Padayon naman ang imbestigasyon sang Dingle PNP angut sa insidente sa posible lain nga motibo sang insidente.

(photo from web)

Facebook Comments