Dipolog City, ZN -Nadakpan sa mga otoridad ang usa ka 37 anyos nga lalaki dihang namaligya ug kinawat nga baboy didto sa hog buyer sa may by-pass road, barangay estaka, dakbayan sa dipolog.
Ang suspek nga si Crisencio Jakosalem Batalan, nga taga barangay galas, gidakop sa mga polis dihang iyang gibaligya ang baboy nga gikataho na nawala, nga iya ni Felix Flores Jr. 50 anyos, molopyo sa purok mangga barangay San Jose, sakop pa gihapon sa dakbayan sa dipolog.
Sa nahipos nga kasayuran sa Dipolog City Police Station nga nianang alas 8:00 sa buntag nagpatala si Flores human iyang baboy kolor itom ug puti litsonon, nahanao sa gitugwayan niini sa iyang nataran luyo sa iyang balay ug gituhoan gikawat sa wala hiilhing tawo.
Sa gihimong follow-up sa dipolog pnp didto rekober ang maong baboy sa baleleng hog buyer nga matud pa sa tag-iya nga si Shirly Sangcom, gibaligya kaniya sa maong suspek sa kantidad nga 2,300 kapesos ug nakalinya na unta nga orderonon.
Mga alas 4:00 sa hapon na kining nadakpan sa mga polis ang suspek human nauli sa ilang panimalay sa barangay galas.
Sa karon kasamtangan gipriso sa selda dipolog pnp ang suspek ug napasakaan na usab kinig kaso samtang ang baboy nabalik na sa tag-iya.
Photo Courtesy: Dipolog PNP
