Baboy gin himuslan it eaeaking tawo, nakit-an it tag-ana ag linagas, eaeaki naeagyong hubeas!

28

Numancia, Aklan – Naeagyong hubeas rong sangka eaeaki matapos nga mapan-uhan ag linagas it tag-ana ko baboy nga anang ginhimuslan sa Brgy. Camansi, Norte, Numancia, Aklan.
Suno sa tag-ana it baboy nga si Angelo Almero, 40-anyos nga natabo rong paghimueos ko nagtaliwan nga Agosto 16 it aga-aga.
Bangud nga nagakinatoe ro anang tutonlan ag naga inubo hay nagbangon imaw ag nag inum it tubi. Pagtan-aw nana sa andang bintana hay napan-uhan na nga patay ta ro iwag sa andang tangkae ag sa anang pag-eaom hay napunde raya.
Ginbuksan na ro andang pwertahan ag ginpahayag ro iwag ag dikato anang nabatian nga medyo may nagatinamsak ag naga inusap ro baboy anang ginling-ling ag nakita na nga medyo may tawo ta sa likod it baboy. Ana pa gid nga ginpaeapitan ag gin singgitan it “hoy” it makatlong beses.
Dali-dali nana nga binuoe ro anang spading sa ibabaw it lamesa ag gina eagas kunta ro nasambit nga eaeaki ugaling madasig raya nga naka eompat ag nagdaeagan nga hubeas paeayo ag uwa eon nana raya maabuti.
Suno pa kana hay naga gilak pa ro buli ko nasambit nga eaeaki bangud nga masanaaw rong buean ko oras ngato.
Pagkaaga anda kara nga gin usisa rong baboy hay nakita nga nagapaeamuea ro anang kinatawo kara ag may semilya pa ko nasambit nga eaeaki.
Gin usisa man nanda rong palibot kon may mga gamit nga naaywan rong eaeaki sa palibot nga sarang maging ebidensya para raya makilaea pero uwa gid it may nakita.
Sa makaron hay uwa pa gid makilaea ro nasambit nga eaeaki bangud nga nakatabon man ro anang itsura ko oras nga ginhimo rong krimen.
Insigida man raya nga gin report sa taeatapan ni Punong Barangay John Maribojo para nga mataw-an it aksyon.
Kon ingkaso nga madakpan ro nasambit nga suspek hay pwede ra imaw makasuhan it pagbayolar sa Animal Welfare Act of 1966.
#TatakRMN

Facebook Comments

From Advertisers