Backrider sang motorsiklo, matapos madigrasya ang ginasakyan nga motorsiklo.

Patay ang backrider sang motorsiklo, matapos nga nakabunggo sa stockfile ang ginasakyan nga motorsiklo sa Prk.Sampaguita, Brgy. Little Baguio, Surallah, South Cotabato, alas 10:20 kagab-i, Abril 20, 2021.
Ginkilala ang biktima kay Eddie Ayaw Kaong, 48 years old, may-asawa, laborer kag residente sang Sitio Lamluma, Brgy. Little Baguio, Surallah, South Cotabato.
Sa imbestigasyon sang Surallah MPS sakay sa Rusi 125 ang biktima nga ginamaneho sang iya nga umagad nga ginkilala kay Jelby Ampan Dasan, 31 years old kag residente man sang nasambit nga lugar.
Padulong sa banwa sang Lake Sebu ang mga biktima kag pag-abot sa nasambit nga lugar, aksidente sini nga nabungguan ang stockpile rason nga nadulaan sang kontrol kag natumba ang motorsiklo sang mga biktima.
Nakaangkon sang pilas sa iya nga lawas ang biktima, apang ang backrider sini ang nakaangkon sang head injuries.
Gindala ang duha sa Javelosa hospital,sa banwa sang Surallah, apang ang backrider ang gindeklarar nga patay sang attending physician.