Bacolod City, Negros Occidental – Natalana ang ika-13 nga Bacolaodiat Festival sa sini nga February 15 tubtob 18, 2018 sa pila ka mga festival sites sang ciudad.
Naghalin ang tinaga nga ‘Baco’ para sa Bacolod, kag ‘Lao Diat’ isa ka Fookien word para sa celebration, kun sa diin iga-highlight ini pinaagi sa mga Foo Dogs nga simbolo sang pagkatampad kag proteksyon.
Patigayunon ang pila ka mga aktibidades sa South Capitol Road kag Lacson Tourism Strip sumugod February 15 – 17; Bacolod City Government Center sa February 17 kag 18; kag sa Yuan Thong Temple sa February 15.
Pagapangunahan ang Lunar New Year sa isa ka traditional Dazzling Grand Parade sa February 15, kun sa diin makit-an ang parada sang mga Tsinoys suksok ang ila traditional Chinese costumes, kag ang 12 ka Zodiac Floats. Magatambong man ang mga opisyales sang ciudad kag ang mga estudyante sang Chinese schools.
May yara man sang fireworks display kada gab-i kadungan sang official Bacolaodiat music kag Symphony of Lights and Sparks.
Isa man sa mga sikat nga festival feature amo ang Bacolaodiat Imperial Village, nga naga-showcase sang Asian parts and crafts kaangay sang calligraphy, wishing tree kag palm reading.
Yara sa gihapon ang Chopsticks Alley para sa inyo mga paborito nga Chinese food.
Nalakip man sa sini nga piyesta ang mga cultural shows, lantern-making contest, lantern streetdance competition, corporate nights kag fun activities para sa mga kabataan.
Matandaan nga antis nagtakop ang tuig 2017, gin-aprubahan sang City Council ang PHP5-million financial assistance para sa pagpatigayon sang 13th Bacolaodiat Festival sandig naman sa hinyo ni Mayor Evelio Leonardia. – RCSG / iFM News
