Liwat man nga igabalik sang Iloilo City Police Office ang Oplan Tokgang matapos nagbalik naman ang Oplan Tokhang.
Ginpaathag ni Police Sr. Inspector Shella Mae Sangrines, spokesperson sang ICPO nga mayor sini nga katuyuan nga malikaw ang mga pamatan-on nga malamita sa mga gamo kag mapalayo sa mga malain nga buluhaton.
Ginhatagan pagtamod ni Sangrines nga base sa ila data, nagnubo na ang mga kabataan nga nagaupod sa mga gangs humalin sang ginpatuman nila sang una ang Oplan Tokgang.
Subong man, gin-ako sini nga wala pa gid lubos nga matapos ang problema sa mga gangs kabangdanan nga liwat nila ibalik ang Oplan Tokgang agud engganyuhon ang mga kabataan ilabi na ang mga out of school youths nga maglikaw sa pagsulod sa mga gangs kag sa baylo mangin produktibo nga miyembro sang komunidad.
