Bacoleña 100k winner sa Radyo Milyonaryo Nationwide promo

46

BACOLOD CITY – Maswerte nga nagabutan ang pangalan sang isa ka Bacoleña bilang isa sa mga winner sa ginpatigayon nga grand draw sang Radyo Milyonaryo Nationwide promo kahapon sang RMN sa Metro Manila.

Nasungkit ni Josephine Juen, legal ang edad, pumuluyo sang Brgy. Villamonte, Bacolod City ang isa sa P100 mil ka pesos nga grand prize sa pinaka sikat nga promo sa radyo.

Ang gin-gamit nga proof of purchase ni Josephine amo ang Milo kon diin nahibaluan nga natipon sang winner ang iya proof of purchase (POP) bangud nga Milo ang iya ginapainom sa iya mga kabataan.

Si Juen ang wala nakaagi daug sa mga weekly draws sa Bacolod bangod gamay gid lamang nga mga proof of purchase ang iya ginpakambyuhan.

Samtang, nakuha naman sang taga-La Trinidad, Benguet ang major prize nga brand new Chevrolet Trailblazer.

Ang Radyo Milyonaryo Nationwide promo ang kabahin sang pagpasalamat sang Radyo Mo Nationwide –RMN Networks, Inc. sa pumuluyong Pilipino sa padayon nga suporta agud magpabilin nga Number One AM kag FM station sa bilog nga Pilipinas./dyHB BACOLOD

Facebook Comments