Construction worker gipusil-patay samtang nag-inom

20

Davao City-Wala pa mahuman sa ilang panag-inom kauban sa iyang barkada kalit na lamang mitumaw ang usa ka wala mailhing lalaki ug mipusil sa biktima nga miresulta sa iyang kamatayon kagabii sa Matina Times Beach, syudad sa Davao.

Sumala sa imbestigasyon sa kapolisan sa Talomo, ang biktima giilang si Ronil Pingol Taya, 21 anyos, ulitawo, construction worker ug nagpuyo sa Times Beach Matina Aplaya syudad sa Davao.

Nahitabo ang pagpusil kang Taya alas 10:00 ang takna kagabii. Ang biktima gipusil sa makatulong higayon igo sa iyang kalawasan nga miresulta sa iyang kamatayon.

Padayon pang ginasusi sa kapolisan kung unsay motibo sa krimen samtang ang patay’ng lawas sa biktima anaa na karon sa Angel Funeral Parlor ning syudad.

Kasamang Erin Lumosbog

Facebook Comments