Bacolod City – ASEAN Summit magasugod na sini nga adlaw diri sa Bacolod City

123

Bacolod City  –  Kapin sa 4,273 ka mga security personnel halin sa 21 ka mga government agencies ang gin-deploy agud mag-secure kag mag-assist sa Association of Southeast Asian Nation – ASEAN Summit nga maga-sugod naman sini nga adlaw tubtub sa Marso 24, 2017 diri sa ciudad sang Bacolod.

 

Kahapon, nag-abot na ang kapin 80 ka mga delegado gikan sa napulo ka ASEAN Member countries lakip diri ang Vietnam, Singapore, Malaysia, Laos, Brunei, Thailand, Indonesia, Myanmar kag Cambodia.

 

Ini sila ang maga-tambong sa ASEAN Senior Officials Responsible for Information – SOMRI Meeting sa SMX Convention Center sa diin pagatalakayon diri kon ano ka importante sang asosasyon kag unity sang mga pungsod sa South East Asia.

 

Napun-an naman sang ASEAN member nations flag ang mga dalanon sang syudad sang Bacolod, sa diin double-time naman ang Bacolod Traffic Authority Office (BTAO) para mangin matalunsay ang trapiko.

 

Kahapon, nag-abot man sa Bredco Port ang 200 ka reinforcement sang Philippine National Police Civil Disturbance Management (CDM) gikan sa Iloilo.

 

Las 11 subong nga udto, may ara sang hublag-protesta ang mga militante nga grupo sa Bacolod City Public Plaza. /dyHB-Bacolod



 

Facebook Comments