Bacolod City kampeon sa 2017 Palarong NIR

93

Bacolod City – Naglab-ot sa 327 ka medalya sa regular sports, masobra 40 sa paragames kag pito sa demo sports ang nakuha sang Bacolod City sa bag-o lang natapos nga Palarong Negros Island Region (NIR) sa Dumaguete City.

 

Ang “City of Smiles” ang nakakuha sang 156 gold, 94 silver kag 77 bronze sa regular sports sa diin  87 gold, 61 silver, kag 43 bronze ang gikan sa secondary division.

 

Sa Elementary division nakakuha ang Bacolod City sang 69 gold medal, 33 silver kag 34 bronze samtang sa paragames, 17 gold, 14 silver kag 14 bronze.  Sa bahin naman sang demo sports, may yara ini sang 3 gold, 2 silver kag 2 ka bronze.

 

Ginkalipay naman ni Mayor Evelio Leonardia ang kadalag-an sang syudad sa diin ginatun-an pa nila kon magahatag ini sang dugang nga incentives sa mga nakakuha sang medalya.

 

 

Sa Official Result, nagapangaduha ang Negros Occidental nga may 73 gold medal, 83 silver kag 73 bronze sa regular sports. Pangatlo ang Bago City nga may 26 gold, 34 silver kag 32 bronze samtang ang host nga Dumaguete City ang pang-apat nga may 25 gold, 33 silver kag 42 bronze,

 

Panglima ang as La Carlota City,19-20-19. Ginasundan sang Cadiz City (13-14-13), Escalante City (10-11-13), Sagay City (8-9-18), Negros Oriental (7-20-35), San Carlos City (7-6-18), Silay City (6-5-12), Tanjay City (3-3-8), Bayawan City (3-0-4), Kabankalan City (2-22-19), Guihungan City (1-4-16), and Bais City (1-1-10).

 

Ang Palarong NIR 2017 ang nagpatuman sang bag-o nga sistema sa diin ang kada division sang DepEd sa Negros Occidental kag Negros Oriental ang may yara sang delagation.

 

 

 

Facebook Comments