Hosting sang ASEAN Summit ginahandaan na sang Bacolod City

82

Bacolod City – Nagtipon ang mga katapo sang  City Peace and Order Council (CPOC) sang Bacolod para istoryahan ang ila kahandaan sa nagahilapit na nga ASEAN Summit. Pila sa mga gintutukan nila amu ang traffic kag peace and order situation.

Si Mayor Evelio Leonardia, nga amu naman ang chairman sang CPOC, gusto sini nga wala sang untoward incident samtang nagapadayon ang meeting sa syudad.

Pila sa mga problema nga nakit-an amu ang loading kag unloading area sang mga salakyan apang ginpahayag ni Rodolfo Song, spokesperson sang Bacolod Traffic Authority Office (BTAO), nga ila na nakit-an nga problema kag may nakita na nga mga solusyon.

Ang mga nagtambong sa amu nga meeting amu sanday, Supt. Noel Polines, deputy Chief for Operations sang Bacolod City Police Office, Carmelo Orbista, OIC sang Department of Interior and Local Government (DILG)-Bacolod, lakip man sanday Vice Mayor El Cid Familiaran, Senior Supt. Jack Wanky, OIC sang BCPO kag mga department heads sa City Hall.

 


 

Facebook Comments