BACOLOD CITY- Indi maglab-ot sa 10 porsyento ang mga Bacolodnon ang luyag nga magpabakuna kontra coronavirus. Ini suno mismo sa bise alklade kag chairman sang Bacolod Inter-Agency Task Force nga si El Cid Familiaran.
Ginkumpirmar man ni Familiaran nga may P31 million initial fund ang ciudad sang Bacolod para ibakal sang una nga 40,000 vials sang COVID-19 vaccine. Samtang gin-athag ni Familiaran nga ang P300 million nga gin-allocate sang ciudad para ibakal sang vaccine sang AstraZeneca ang standby fund gid lamang bangod may pondo man ang national government para sa vaccination program.
Samtang nagalaom ang bise alkalde nga mangin mabaskog pa ang kampya sang mga barangay officials sa vaccination program kag madamo nga residente ang mahaylo nga magpabakuna kontra COVID-19.
[image: image.png]
