Bad News/Mga empleyado sang Provincial Government sang South Cotabato indi makabaton sang PBB.

Indi maayo nga balita sa mga empleyado sang provincial government ng South Cotabato tungod posible indi ang mga ini makabaton sang ginahulat nga Performance Based Bonus ukon PBB subong nga tuig.
Suno kay DILG Provincial Director Aurora Andrea De Pedro ini matapos nga base sa iya inisyal nga impormasyon nga nakuha sa Chairman sang Task Force sang Department of Interior nd Local Government ukon Dilg Central Office wala nakapasar ang South Cotabato sa PBB requirements.
Sa 700 ka mga Lgu`s nga nag-apply suno pa para sa paghatag sang PBB sa ila mga empleyado 24 lang ang nakapasar kag dire sa rehiyon dose ang Cotabato City lang ang pasado.
May-angot sini suno kay De Pedro magasulat si Governor Daisy Avance Fuentes sa DILG Central Office agud nga hibaluon kon ngaa wala nakapasar ang South Cotabato sa PBB requirements ukon criteria.
Nahibaluan nga yara sa 35% – 65% sang isa ka bulan nga sweldo sang empleyado ang mabaton kuntani nga PBB base sa ila nga performance.
Basehan sa paghatag sang PBB sang Lgu`s ang dapat pasado sa Seal of Good Local Governance (SGLG), compliance sa Anti-Red Tape Act (ARTA), paggamit sang fully-functional Strategic Performance Management System (SPMS) kag full compliance sa audit recommendations sang COA.
Katuyuan suno pa sang nasambit nga benepisyo nga mamotivate pa gid ang mga empleyado sa pagtrabaho sang maayo.