General Santos City—Sikop sa operatiba sa City Drug Enforcement Agency (CDEU) ang usa ka bading atol sa ilang gihimong buy-bust sa area sa Sagrado Corazon, Barangay Bula, Gensan alas 6:45 ang takna sa gabie, kagahapong adlawa.
Suspek giilang si Marlo Lapis Alias Marla, 29, residenti sa nasampit nga lugar. Nasikop ang nahisgutan human napalitan ug (1) ka sachet sa gituohang shabu gamit ang marked money nga nagkantidad ug P500.00.
Gawas na napalit sa agent sa CDEU ngadto sa suspek, laing (4) pa ka pakete sa gituohang shabu ang narekober gikan sa posisyon sa nahisgutan.
Sa karon balhog na sa silda sa Police Station 6 ang nasampit nga suspek ug giandam na sa CDEU ang pagpasang-at ug kasong kalapasan sa sec. 5 ug sec. 11 sa R.A 9165 batok kaniya.
