Nakuha ni naku nga photo niadtong December 25 sa hapon samtang gabiyahe mi sa Cebu South Road padung mi sa balay sa akoang iyaan sa Talisay City, Cebu. Mao gane nga medyo blurred ang photo kay nagdagan man gud ang sakyanan namo tapos ang sa subject pud.
Makaguol kaayo ni nga talan-awon tungod kay peligro kaayo. Labi na nga mga bata ang angkas pud. Hinoun katong higayona posible nga hunahuna sa mga motorista nga holiday maong posible nga walay mga traffic enforcers sa maong siyudad.
Bisag piyongan pa kay klaro kaayo ang kalapasan nga gipakita anang naa sa photo — OVERLOADING and FAILURE TO WEAR PROTECTIVE HELMET. Prone man kaayo ning ingon ani gud sa disgrasya. Tapos daghan naman nga mga siyudad tibuok nasud ang nag implement na og NO TO 2-UP RIDING alang sa mga motorsiklo.
REMINDER LANG
Karon nga holiday season mga idol, make sure to bear in mind nga safety first gyud gihapon. Bahalag luag ang dalan peru pabiling hugti ang strap sa helmet ug ang focus sa pagdrive. Dili dapat maghunahuna nga abi way enforcer maong wa lang pud kay helmet or mag overloading lang.
Idol, unsa man inyo reaksyon ani nga photo? Naa ba kay nakita nga ingon ani pud nga bad practice sa inyong lugar? Comment lang unya idol ha.
