Davao City – Bisan og false alarm ang nabiling bag sa gawas sa usa ka mall sa Buhangin, syudad sa Davao kagahapong adlawa (August 18, 2020) apan mapasalamaton gihapon ang Chief of Police sa Buhangin Police Station, Police Major Estrello Ramiso sa gipakitang kaigmat ug pagpakabana sa publiko sa panghitabo sa palibot.
Matud ni Ramiso, bisan kung false alarm ang nahitabo, ang importante nga wala nagpasagad ang mga tawo sa kadudahang butang nga nabilin gilayong gi-cordoned ang lugar.
Matud ni Ramiso, sa ilang paghiling sa bag, pulos lang mga sinina ang sulod ug gitohoang nahulog ug wala gituyo sa pagbilin
Hangtod karon, wala pay nag-claim ug nagpailang tag-iya sa bag nga anaa karon gikustodiya sa Presinto 5.
Subay niini, giawhag niini ang katawhan nga mo-report dayon sa kapolisan kung aduna silay makitang kadudahang butang nga mabilin aron masanta gilayon ang bisan unsang dautang plano sa mga dautang tawo o grupo sama sa mga terorista.
RadyoMaN Joel Viray
