Ivisan, Capiz- Matapos ang masobra 20 ka tuig, may yara na sang kaugalingon nga building ang Ivisan Fire Station nga nahamtang sa Barangay Poblacion Sur sa amo nga banwa. Ginpahayag ni OIC-Municipal Fire Marshal SF03 Rayman Vela, nga natapos na sa pag-construct ang 2- storey building nga napondohan sang masobra 6- million pesos. Suno kay Vela, ini ang ginsuguran sa pag-construct sang nakaligad nga Hunyo 2020. Samtang iya man nga ginpasalamatan ang local government unit sang Ivisan sa nangin bulig para matigayon ang amo nga proyekto pinaagi sa pagdonar sang lote nga patindugan sang building. Nahibaloan nga sa Ivisan Civic Center anay temporaryo nga nag- opisina ang Ivisan Fire Station samtang wala pa sang kaugalingon nga building. Pahayag dugang ni Vela, natalana nga igapatigayon ang blessing para sa bag-o nga building.
