Bag-o nga Fire Station Building sang banwa sang Ivisan, gin-inagurahan na; Regional Director sang BFP – 6 nangin dinapit nga bisita!

Ivisan, Capiz – Pormal nga ginpatigayon kahapon ang inagurasyon sang bag-o nga fire station building nga nahamtang sa Barangay Poblacion Sur sa banwa sang Ivisan.
Nangin dinapit nga bisita sanday BFP Regional Director Jerry Candido, Governor Esteban Evan ‘Nonoy’ Contreras, Ivisan Mayor Felipe Neri Yap, mga Municipal Officials kag mga personnel sang Ivisan Fire Station.
Ginpahayag ni OIC-Municipal Fire Marshal SF03 Rayman Vela, ang 2- storey building nga napondohan sang masobra 6- million pesos ang ginsuguran sa pag-construct sang nakaligad nga Hunyo 2020.
Dako man ang pagpasalamat sang local government unit sang Ivisan sa pagpamuno ni Mayor Felipe Neri Yap nga natapos na ang nasambitan nga building para sa Ivisan Fire Station.
Nahibaloan nga sa Ivisan Civic Center anay temporaryo nga nag- opisina ang Ivisan Fire Station samtang wala pa sang kaugalingon nga building.

Facebook Comments