Ginpangunahan ni Governor Arthur Defensor ang inagurasyon sang bag-o nga hospital building sa Don Valerio Palmares Sr. Hospital sa syudad sang Passi.
Ang duha ka panalgan nga hospital building ang nagabalor sang 9.3 million pesos nga ginpondohan sang provincial government kag magaserbe nga dugang nga pasilidad sang hospital.
Nagpanugyan si Defensor sa mga hospital staff nga serbisyuhan ang mga imol nga pasyente kag indi na magpamangkot kon may inugbayad ukon wala.
“Ini nga hospital para sa imol. Kon magserbisyo kamo, indi kamo magpamangkot kon may inugbayad ukon wala. May inugbayad kag wala, serbisyuhan niyo basta imol,” pahayag ni Defensor.
Magluwas diri, pagatukuron man sa nasambit nga hospital ang 31 million pesos nga balor sang two-story building nga magaserbe nga medical ward kag emergency room .
(photo credit to the owner)
