Bag-o nga minimum wageincrease sa Western Visayas, mangin epektibo na sa Nobyembre 26

80

Roxas City, Capiz – Mangin epektibo na ang bag-o nga minimum wage increase sa Western Visayas sa maabot nga Nobyembre 26, 2019.
Ini matapos nga gin-aprubahan sang National Wages and Productivity Commission(NWPC) ang minimum wage sa Western Visayas nga una na gin-approved sang Regional Tripartite Wages and Productivity Board(RTWPB)-6 nga P395/adlaw halin sa P365/adlaw.
Base sa Wage Order No. RBVI-25, magasaka sa P395 halin sa P365 ang daily minimum rate sang mga trabahante sa non-agriculture, industrial kag commercial businesses nga may masobra sa napulo ka empleyado.
Makabaton naman sang P15 nga dugang nga sweldo ang mga empleyado nga nagatrabaho sa anuman nga negosyo nga may empleyado nga indi magsobra sa napulo.
Mangin P315 naman ang anay P295 nga daily minimum wage sang mga nagatrabaho sa sector sang agrikultura.
Samtang indi sakop sang wage order ang mga kasambahay, persons in the personal service of another kag ang mga nagatrabaho sa na-rehistro nga Barangay Micro-Business Enterprises (BMBEs) nga may Certificate of Authority base sa Republic Act No. 9178.
Na-publish na ang bag-o nga Wage Order sang nakaligad nga Nobyembre 11 kag ini ang maga-epekto, 15 ka adlaw pagkatapos sang publication.

Facebook Comments

From Advertisers