Davao City – Nanghasi ang retirado ug aktibong pulis sa balay usa ka Overseas Filipino Worker kun (OFW) sa Cabantian, Buhangin, Davao City.
Pugsanong misulod ang mga suspek sa panimalay sa biktima nga si Gilbert De Leon, 41 anyos, minyo, pasado 6:00 sa gabii.
Matud ni De Leon, ang aktibong pulis may ranggong Police Senior Officer 4 (SPO4) ug wa masayri kung asa nadestino ug usa ka retiradong pulis apan wala na manganli sa biktima.
Suma pa niini, usa ka Maria Christina Plaza ang nagdala sa mga suspek.
Si Plaza kanhi fiance sa higala ni De Leon nga usa ka amerikano nga giilang si Delbert Rays, 74 anyos.
Matud sa OFW, gipiyal ngadto kaniya ang balay sa amerikano nga maoy gustong kuhaon ni Plaza butang nga wala misugot si De Leon ug didto na gihasi ug gihulga sa mga suspek ang biktima.
Gumikan sa kahadlok ug kabalaka nga basin dunay dautang mahitabo kaniya gilayon midangop sa Buhangin Police Station.
Sa karon, padayong giila sa mga otoridad ang giingong retirado ug aktibong pulis nga nanghasi kang De Leon.
RadyoMaN Joel Viray
