ILOILO CITY – Nagsumpa na kahapon ang bag-o nga mga recruits sang Philippine National Police ukon PNP ilabi na sang Police Regional Office 6.
Ginhiwat ang oath taking sa Campo Delgado alas 2 kahapon sang hapon kon sa diin mismo si PRO-6 Regional Director Chief Supt. Cesar Hawthorne Binag ang nagpasumpa sa mga police recruits.
Ginpahayag ni PRO-6 Spokesman Supt. Gilbert Gorero nga sa 400 nga quota sang PRO-6 para sa recruitment, 345 lamang sa mga ini ang nakasulod kon sa diin 249 diri ang mga lalaki kag 96 naman ang mga babaye.
Suno kay Gorero nga matapos magsumpa ang natungdan nga mga recruits, magapaidalum pa ang mga ini sa anum ka bulan nga police basic training sa Regional Training Center kag dugang nga anum ka bulan para sa Field Training Program.
Sa tion nga makumpleto nila ang nasambit nga mga training, lubos na nga mangin pulis ang mga ini kag pormal na nga iga-deploy sa nagkalain-lain nga police stations sa rehiyon.
Photo by: DYLL RP Iloilo
