Padayon nga nagapabilin sa isa ka ospital sa syudad sang Bacolod ang isa ka babayi nga may travel history sa pungsod Singapore nga nakabig Patient Under Investigation (PUI) bangud nakitaan sang flu-like symptoms.
Suno kay Vice Mayor El Cid Familiaran, Chairman sang Inter-Agency Task Force against COVID-19, Marso 6 nakabatyag sang paghilanat kag palanakit sa tutunlan sang nag-abot halin Singapore sang Pebrero 27 kag ini ang gin-admit sa ospital sang Marso 10 ang nasambit nga babayi.
Sa karon padayon pa nga ginahulat ang laboratory test sang amo nga PUI matapos ginpadala na sa RITM ang specimen sini.
Samtang ang estudyante nga residente sang banwa sang E.B Magalona nga ginrekumendar sang isa ka private clinic sa Victorias dire sa Bacolod ang gin-downgrade na halin sa PUI kag ini ang nangin Person Under Monitoring (PUM) na.
Sa record sang Task Force, ang Bacolod ang may yara pa sang 19 ka mga PUMs matapos nga ang walo ka PUMs ang nakatapos na sa 14 days home quarantine.
[image: image.png]
