Ginkumpirma ni Dr. Janelyn T. Fundal, chief sang Iloilo Sports Management and Development Office (ISMDO) nga may bag-o nga rates sa pag-gamit sang pasilidad sa Iloilo Sports Complex.
Suno kay Fundal, ila lang gina-implementar ang Provincial Ordinance No. 2017- 145 , 2017 Revised Revenue Code of Iloilo nga ginpasar sang mga board members para sa maintenance sang mga pasilidad.
Suno kay Fundal, 10 ka pesos sa gihapon ang entrance fee sa Iloilo Sports Complex apang sugod Oktubre 1, may 20.00 na nga bayad sa track oval.
Mahimo naman makagamit sang libre ang mga atleta sang mga munisipalidad sang probinsya nga nagatraining para sa DepEd local kag national sports agencies pinaagi sa pagsumiter sang ila ngalan agud mahatagan sang ID sang ISMDO.
Samtang, 60 pesos naman ang bayad sa paggamit sang swimming pool kon adlaw kag 70 pesos kon gab-i.
Kon government sponsored ukon P.E. class, 30 pesos naman ang bayaran sang mga estudyante kag 45 pesos ang bayaran kon gab-i.
Ginalauman sang Iloilo Sports Management and Development Office ang kooperasyon sang tanan.
