*ILOILO City – *Si Police Chief Inspector Joem Malong ang gindesignar bilang bag-o nga spokesperson sang Police Regional Office (PRO) 6.
Pagabuslan ni Malong si PSupt Gilbert Gorero nga magapaidalom sa mandatory schooling sa sulod sang isa ka tuig.
Sa interview sang RMN Iloilo kay Malong, nagpaslaig ini nga mangin accessible sa pagpalab-ot sang balita kag impormasyon sa mga pumuluyo paagi sa katapo sang media.
Aminado man si Malong nga is aka pagpanghangkat para sa iya ang ginbayaan nga posisyon ni P/Supt Gilbert Gorero.
Si Malong ang tumandok sang Tubungan, Iloilo produkto man sang Philippine National Police Academy (PNPA) 2006.
Antes magpungko bilang Spokesperson sang PRO 6, nangin chief sang Women and Children Protection Desk (WCPD) sang Iloilo City Police office (ICPO) si Malong kag naka-agi man siya assign sa Regional Personnel Human Resource Development Division (RPHRDD).
Sa pihak nga bahin, nagpasalamat naman si PSupt Gilbert Gorero sa mga pumuluyo kag katapo sang media sa suporta kag paghangop sa iya pagpangalagad sa PRO 6 sa sulod sang masobra duha (2) ka tuig.
Photo from web
