Asahan muli ang matinding init ng panahon sa 36 na lugar sa bansa bukas, partikular sa Dagupan City, Pangasinan na posibleng makapagtala muli delikadong lebel ng heat index o damang init na 46 °C.
Base sa huling monitoring ng PAGASA-DOST, makakaranas din ng 45°C na heat index ang Bacnotan, La Union at Roxas City, Capiz habang 44°C sa NAIA, Pasay City; Cuyo, Palawan; Dumangas, Iloilo at Zambonga City.
Nasa 43°C na damang init naman ang inaasahan sa Laoag City, llocos Norte; Tuguegarao City, Cagayan; Echague, Isabela; Iba, Zambales; Casiguran, Aurora; Subic Bay, Zambales; Sangley Point, Cavite; Ambulong, Tanauan Batangas; Coron, Palawan; Puerto Princesa City, Palawan; Virac, Catanduanes; Catbalogan, Samar at Dipolog, Zamboanga Del Norte.
Samantala, posibleng maitala naman ang 42°C sa Science Garden, Quezon City; Sinait, Ilocos Sur; Batac, Ilocos Norte; Bayombong, Nueva Vizcaya; Muñoz, Nueva Ecija; Alabat, Quezon; San Jose, Occidental Mindoro; Aborlan, Palawan; Legazpi City, Albay; Masbate City; Pili, Camarines Sur; Catarman, Northern Samar; Guiuan, Eastern Samar; Maasin, Southern Leyte at Davao City.
