Bag-ong abli nga gasoline station gitulis, duolan 200, 000 nga kwarta ug armas nadala.

26

Pagadian City – Namupho nalang sa mga buak nga bildo ang mga empleyado sa bag-ong gi-abli nga JTB Gasoline Station nga nahimutang sa Purok Upo, Barangay Balintawak ning syudad sa Pagadian human gitulis sa upat ka armadong lalaki alas 3:20 kagahapon.
Ayha nibiya sa lugar gipaniguro nga mga tulisan nga madala ang kwarta nga mokantidad sa 180,000 ug usa ka unit nga shotgun.
Sa inisyal nga imbestigasyon nasayran nga kalit lang nibutho sa maong gasoline station ang upat ka suspetsado nga sakay sa duha ka motorsiklo nga Suzuki Raider, color blue ug Honda XRM, color itom ug abtik nga nanaug ug largong gibu-ak ang bildo nga pultahan sa cashier samtang ang laiang mga suspek nagsilbing back-up.
Diha-diha gitiunan sa armas ang 26-anyos nga cashier nga si Jessilyn Cruda Alibay dayon mideklara og tulis dungan ang pagkuha sa kwarta nga 180,000 ug shotgun nga naa sa sulod sa cashier booth nga gipanag-iyahan sa PRAC agency.
Ang kapulisan sa syudad walay hunong sa ilang police operation aron maila, matumbok ug madakpan ang mga nakasibat nga mga tulisan.

Facebook Comments