(photo credits to PDEA REGION 10)
Sikop niadtong Biyernes, October 9,2020, sa mga operatiba sa PDEA Regional Office 10, PDEA Bangsamoro Autonomous Region of Muslim Mindanao, PNP Kapatagan Municipal Police Station, PNP 10 Regional Intelligence Division, ug PNP Special Operations Unit 6, ang lima ka mga drug personalities sa gihimong entrapment operation sa Purok 3, Poblacion, Kapatagan, Lanao del Norte ug pagka kumpiska sa Six Million Eight Hundred Thousand Pesos nga kantidad sa shabu.
Ang mga naarestong suspek nailang si LINLIN AMPASO @BASIT, 41 anyos ug residente sa Poblacion, Kapatagan, Lanao del Norte, JOHARY MACARAO, 24 anyos nga resident sa Marawi City, AMRODIN ADEL, 23 anyos ug taga Sapad, Lanao del Norte, PROXY RAURING, 41 anyos ug residente sa Basak, Lapu-Lapu City, ug ABDUL SAWAF RAURING, 19 anyos ug residente sa Basak, Lapu-Lapu City.
Ang mga drug evidence gidala na sa PDEA Regional Office 10 Laboratory Office alang sa qualitative ug quantitative examination samtang ang mga naarestong suspects temporaryong gidetained sa PDEA Regional Office 10 detention facility alang sa booking ug documentation.
Kasong paglapas sa RA 9165 ang giandam na ipasala batok sa mga suspetsado.
