Malipayon ug mapasalamaton ang bag-ong auxiliary bishop sa Cebu Archbishop Most Reverend Bishop Midyphil Billones sa mainitong pagdawat kaniya sa mga Sugbuanon.
Si Bishop Billones gikan sa Jaro sa Iloilo City, maoy mahimong kaabag ni Arsobispo Jose Palma sa pagpadagan sa artsidiyosesis sa Sugbo ilabi sa dakung gimbuhaton alang sa umaabot nga ika-500 nga kasumaran sa Kristiyanismo sa nasud .
Matud ni Billones kansang angga “Dodong” ang mando kanila sa Santo Papa mao ang pagpadool sa simbahan ngadto sa mga kaparian ,katawhan ilabi na sa mga kabus ug aron pag-empower sa layko .
Atol sa iyang mensahe human modawat sa bag-ong tahas gipahayag ni Bishop Billones nga tungod sa iyang angga nga Dodong sama ug giandam siya sa Ginoo alang sa pag-abot dinhi sa Sugbo diin ang tawag sa usa ka lalaki mao ang “dodong.”
Tungod niini gihulagway ni Bishop Billones wa mobalhin si “Dodong” gikan sa Iloilo paingon sa Cebu , kundili nipauli si Dodong dinhi sa Sugbo.
