General Santos City—gipusil-patay ang usa ka lalaking bag-uhay lang migawas sa prisohan sa may Diversion Road, Barangay Mabuhay ning dakbayan sa Gensan alas 4:30 ang takna kahagapong adlawa, Enero 8, 2018.
Ang biktima nailang si Kimbo Sagalto, 33 anyos, nga residente sa Baguio City.
Basi sa inisyal nga imbestigasyon sa kapulisan padulong ang biktima sa airport aronmuuli na sa Baguio sakay sa usa ka Taxi apan pag abot sa lugar siya gipusil sa wala mailhing suspek.
Nakaangkon ug igo pinusilan sa ulo ang biktima human nga gidul-it kini sa pagpusil sa wala pa mailhing suspetsado. basi sa pamahayag sa asawa sa biktima, tulo ka mga buto sa pusil ang iyahang nadunggan. Paspas sab nga misibat ang suspek human sa insidenti.
Nasayran nga alas 3:00 pasado kagahapong adlawa dihang nakagawas sa prisohan ang human gi-pyansahan sa iyahang asawa tungod sa kasong robbery with force. Una na kining nadakpan sa mga sakop sa Police Station 3 human kining misulod sa usa ka drug store nga nahimutang sa Barangay Lagao.
Sa karon ginatan-aw pa sa Police Station 4 kung may kalambigitan sa kasong giatubang niini ang motibo sa pagpatay sa nasangpit nga biktima. (Lore Romualdo)
