Gipasidunggan sa Sangguniang Panlungsod sa dakbayan sa Butuan ang upat ka mga bag-ong Engineers nga mi-top sa gipahigayong Geodetic Engineer Licensure Examination kinsa pulos ‘alumni’ sa Caraga State University (CSU) sa Brgy. Ampayon ning syudad sa Butuan.
Gipangamahanan ni City Councilor Atty. Glenn Carampatana ang resolusyon No. 15-326-2019 nga nag-ila sa nahimung kalampusan sa mga bag-ong Engineers.
Giila ang mga nag-top sa Geodetic Engineer Licensure Examination nga sila si; Engr. Charlene Bolastig, 1st place (91.20%); Engr. Nick Ann Wilson Dapo, 5th place (87.60%); Engr. Richard Pepito, 6th place (87.00%); ug Engr. Mark Dave Plaza, 8th place 86.40%).
Pinasikad sa maong resolusyon modawat sila ug medals of excellence lakip ang cash incentives gikan sa local nga kagamhanan sa dakbayan sa Butuan.
Gipahigayon ang eksaminasyon niadtong Oktubre 23 ug 24 didto sa kauluhan diin mokabat sa 481 ang nipasar basi sa talaan sa Professional Regulations Commission (PRC).
Kahibaloan nga daan nang gibantug ang CSU nga magmugna ug mga topnotchers sa mga professional examinations.
[image: geodtic engr.jpg 2.jpg]
