Sa interview sa RMN Malaybalay ngadto kang PLTCOL. Julius Clark Macariola, Bag-ong hepe sa kapulisan sa siyudad, gibutyag niya nga usa ka dakong hagit ang iyang paglingkod isip bag-ong hepe sa Malaybalay tungod sa ubay-ubay nga kalampusan nga gihimo ni outgoing chief PLTCOL. Ritchie A. Salva.
Bisan paman niana, gisiguro ni LTCOL. Macariola nga buhaton niini ang tanan aron nga mapadayon ang maong mga kalampusan.
Usa matud pa sa prioridad sa iyang termino mao ang paghatud sa serbisyo nga wala galantaw sa balos apan paghimo sa tahas isip mga public servant.
Prioridad usab sa pagpatuman sa kahusay ug kalinaw sa siyudad ang mga anaa sa marginalized sector sa komunidad.
Gikinahanglan matud pa ni LTCOL. Macariola nga ilang mabati ang serbisyo sa kapulisan ug mawala ang panghuna-huna nga napasagdan sila sa gobyerno.
Suportado usab sa iyang termino ang programa sa kapulisan sa nasud nga mao ang MKK=K kon ang Malasakit+Kaayusan+Kapayapaan tungo sa Kaunlaran ilabi na ang pagdumala sa probinsya ni PCOL. Reynante R. Reyes.
