Davao City – Gipailawom pa karon sa deliberasyon kung kang kinsa nga area of responsibility ang bagohay lang nadiskubrehan hideout sa New People’s Army (NPA) nahimutang sa tulo ka boundary partikular sa Agusan, Davao del Norte ug Bukidnon nga mao ang Sitio Tapayanon.
Gibutyag ni Lt. Amadeuz Vincent John Celestial, CMO officer sa 60th IB, nadiskubrehan sa ilang tropa ang maong Sitio atol sa ilang operasyon niadtong Pebrero 2019.
Matud ni Celestial nga ginataguan kini sa NPA gumikan wala kini access sa main streets sa lungsod gani hilit ug maayo kining lugar isip training area sa guerilla.
Dugang niini nga moabot pa sa usa ka semana ang kinahanglan baktason aron maabot sa maong lugar.
Subay niini, boluntaryong gisurrender sa pipila ka mga niangkong nga membro sa NPA ang ilang armas gani upat ka mga hideouts ang nadiskubrehan.
Naglusad na og focus military operation ug sa medical civic action ingon man pag apod-apod og hinabang sama sa tambal, pagkaon, liso sa gulay ug uban pa nga mokantidad sa P200,000.
Nasayran nga 100 ka tuig nga naga existir ang maong lugar diin sagad namuyo mao ang tribu sa Ata Manobo nga adunay 120 ka pamilya ug kapin kun kulang 500 ka indibidwal kinsa wala nasayud kung unsa ang gobyerno.
RadyoMaN Jason Amisola
