Pagadian City – Nakatala og usa ka bag-ong kumpirmadong kaso sa Coronavirus disease 2019 (COVID-19) ang probinsya sa Zamboanga del Sur kini base sa ulahing datos nga gipagawas sa ZamboSur Task Force.
Ang ulahing nagpositibo sa virus usa ka 41-anyos nga babaye, usa ka Locally stranded individual nga residente sa Purok 7, Sicpao, Mahayag, Zamboanga del Sur.
Ang maong pasyente gikan sa Barangay Quiot, Cebu City, nga gipailalom sa Rapid Diagnostic Test niadtong Mayo 22, 2020 sa City Health Department sa Cebu City ug dunay Medical Certificate pinitsahan Mayo 29, 2020.
Niuli kini sa probinsya sakay sa Cokaliong Shipping Lines gikan sa Cebu paingon sa Ozamis ug ug naabot sa Zamboanga del Sur, Megayon niadtong Hunyo 5, 2020 insakto alas 10:37 sa buntag.
Subli kining gipailalom sa Rapid Diagnostic Test pag-abot sa probinysa sa Zamboanga del Sur ug “REACTIVE IgM” resulta niini.
Rason nga gikuhaan kini og swab specimen ug gipadala ngadto sa (Zamboanga City Medical Center niadtong sabado sa alas 9:00 sa gabii ug kagahapon June 14, 2020 nigawas ang resulta alas 5:35PM, nga postibo kini sa Covid-19.
Ang maong pasyente nga benipisyaryo sa Hatid Probinsya Program , asymptomatic o walay simtomas nga gibati nga gipapundo sa RHU- Mahayag isolation area sugad pa sa iyang pag-abot.
