*General Santos City— Milingkod na isip bag-ong labaw sa General Santos City Police Office si Police Col. Aden Lagradante hulip kang Police Col. Raul Supiter human kining ma-relib sa pwesto milabay’ng semana.*
*Sumala ni Pol. Col. Lagradante nga nakatakda pa niyang sutaon ang mga direktiba gikan sa Police Regional Office 12 alang kaniya ayha siya muhatag ug direktiba ngadto sa kapulisan sa dakbayan.*
*Kumpyansa man usab siya nga luyo pa man sa nahitabo sa kapulisan sa gscpo, andam gihapon silang magtrabaho gumikan isip pulis, sila ang gi-train aron nga mahimong responsable, disiplinado ug mga professional.*
*Dugang pamahayag Police Col. Lagradante nga isip usa ka lider ug opisyal, kinahanglan nga iyahang hatagan ug inspirasyon ang iyahang ginsakupan hilabina sa kontrobersiya nga gi-atubang sa kapulisan sa dakbayan.*
*Pag-angkon niya nga ayha niya gidawat ang posisyon isip acting city director sa gscpo, nasayud na siya kung unsa nga problema ang gi-atubang sa lokal nga pulisya.*
*Pagpaklaro niya nga lakip sa maong problema mao ang morale sa kapulisan, apan wala matud pa niya kini gikonsidera nga usa ka dakong problema ug dili matud pa kini maka-apekto sa ilahang trabaho.*
