General Santos City—- Ipadayon ni Police Col. Aden Lagradante, City Director sa Gensan City Police Office ang mga nasugdang programa nga ni Police Col. Raul Supiter.
Sumala niya nga lakip sa iyahang tutukan mao ang problema sa kriminalidad sa dakbayan ingon man ang mga butang nga nga-contribute sa peace and order sa syudad,
Pag-angkon niya nga wala sa oras ang pag-relib kang Col. Supiter isip labaw sa GSCPO rason nga iyahang ipadayon unsa man ang mga nasugdan niini hilabina ang pagsiguro sa siguridad sa katawhan.
Dugang pamahayag ni Police Col. Lagradante nga gawas sa isyu sa Police Paluwagan Movement kon PPM nga nahimong hinungdan sa pagbutang kaniya sa pwesto, nasayud na siyang daan sa mga problema sa siguridad sa dakbayan.
Sumala niya nga kinahanglan nga maghimo ug bag-ong stratehiya aron usab pagbantay sa palibot sa Gensan gawas sa mga fix ug strong checkpoint.
Kinahanglan matud pa nga hatagan ug igong pagtagad hilabina ang isyu sa patay gumikan makahatag kini ang negatibong epekto sa syudad ug kahadlok ngadto na sa katawhan.
Kalabot niini, gibutyag ni Col. Lagradante nga kinahanglang i-sustain ang mga programa sa kapulisan sama sa police visibilty, foot patrol ug uban pa.
Saysay niya nga adunay uban ang i-redirect, i-adjust ug i-improve gumikan isip miyembro sa kapulisan, kinahanglan usab nilang mag-level up sa pagbantay sa siguridad.
