Dipolog City-Niadtong adlawng lunes Enero 28, 2019 sa may 11:00AM ang Zamboanga Del Norte Provincial Mobile Force Company naghimo ug lektyur kabahin sa bag-ong mga armas alang sa Preventive Maintenance Assembly and Disassembly and proper Handling kini pinaagi sa pagpanguna ni Zamboanga Del Norte Provincial Mobile Force Company Supply PNCO PO34 Warlou Morido ngadto sa ilang ginsakpan.
Kagahapong adlawa sa may 8:00AM ang ZNPMFC naghimo ug seremonya ug pag bendisyon sa mga armas ug uban pang ISO equipment sa pagpanguna ni Force Commander Psupt. Bonifacio B. Arañas Jr.
Samtang ang nanguna usab sa pag bendisyon mao si Rev. Ramil Corong usa usab ka ZNPMFC Advisory Council nga nag representa sa Religious Sector.
Gipasalamat pag ayo sa mga sakop sa ZNPMFC tungod kay dako na usab kining tabang alang kanila alang sa ilang mga operasyon ug ilabi na ang pakigbatok sa mga armado ug teroristang grupo.
Naglaom usab sila nga dili lang kini nga higayon kun dili aduna pa’y laing mga armas ug mga ekipo ang ihatag sa ilang buhatan nga sarang nila magamit unya sa ilang tagsa-tagsa ka mga operasyon aron batukan ang mga adunay dili maayong mga plano dinhi sa probinsya sa Zamboanga del norte.
