Davao City – Nasikop dayon sa mga awtoridad ang usa ka lalaki kansang bag-o pang nagbaligya og shabu sa Digos City, Davao Del Sur.
Nadakpan sa buy-bust operation sa Digos City Police Office, Davao Del Sur Intelligence Unit ug PDEA XI, ang suspect nga si Kenneth Mahinay, Alyas “Daks”, 32 anyos, laborer ug nagpuyo sa Midsayap, North Cotabato sa Purok Narra, Kahayag Street, Barangay Zone 2, Digos City, Davao Del Sur pasado alas 4:00 sa hapon.
Gawas sa napalit nga usa ka pakete sa shabu, laing upat ka pakete sa giingong shabu nga motimbang og 7 ka gramos nga nagkantidad tanan og kapin P160,000. Narecover usab ang P1K mark money, cellphone ug uban pa kang Mahinay.
Si Mahinay, giingong bag-ong personalidad sa pagpayuhot sa gidiling droga sa Digos City. Kasohan tungod sa kalapasan sa Republic Act 9165 kon Comprehensive Dangerous Drugs Act of 2002.
RadyoMaN Joel Viray
Facebook Comments
