Sa interview sa DXDC RMN Davao sa nag-post nga ni Danical Ella Hipos nga residente sa usa ka pabahay Maparat, iyahang gisaysay nga nakamata kini alas 1:00 sa kaadlawon ug nakabantay nga dunay nagbaktas-baktas apan wala lang niya kini gitagad. Pagkabuntag, didto na niya nabantayan nga abli na ang ilahang purtahan bisan ug walay nanggawas sa ilahang tulo nga natulog sa sulod.
Nadiskobrehan usab ni Hipos na nawala na iyahang cellphone ug nawalaan usab kini og kwarta sa iyahang pitaka. Gikatingala usab niya kung nganong wala sila nakamata ug wala usab nipaghot ang iro sa ilahang silingan.
Gipanawagan usab niya sa kapulisan nga maaksyonan ang giingong hitak nga insdente sa pagpangawat sa lugar. Gani, plano na niining magpatala sa kapulisan.
Sa interview sa DXDC RMN Davao sa Compostela Municipal Police Station, wala pay formal complaint nga gipatala kanila apan ilahang gipasalig nga kung duna nay blotter, gilayon silang maglusad og imbestigasyon.
RadyoMaN Kirby Manzon
