Bag-ong natapos nga Barangay Hall sa San Miguel giturn-over na

“Dili nata magtan-aw pa sa color sa politika sa paghatag ug serbisyo sa katawhan”

Kini ang pahayag ni Iligan City Lone District Congressman Frederick Siao atol sa pormal nga pag-turn over niadtong Biyernes  sa bag-ong natapos nga Barangay Hall sa San Miguel.

Sugyot ni Siao nga bisan dili iyang kaalyado sa politika ang kapitan sa maong barangay nga si Joel Jumawan apan wala siya nagmakuli sa paghatag sa maong proyekto.


Nagtoo ang kongresista nga ang ilang pagpanerbisyo dili lang alang sa ilang kaugalingon apan sa kinatibuk-ang katawhan sa Iligan.

Ang maong barangay hall nga sama sa desinyo sa Bahay ni Kuya nagkantidad ug dul-an sa lima ka milyon ka pesos nga gipundohan sa buhatan ni Congressman Siao pinaagi sa iyang local infrastructure fund.

Gidisenyo ug gi-trabaho kini pinaagi sa DPWH sa pagdumala ni 2nd District Engineer Alykhan Ali.

Facebook Comments