Gibuksan na karong adlawa sa publiko ang bag-ong nawong sa Metro Ferry Terminal sa may Pier 3 ning siyudad sa Sugbo. Nagsilbi ning agianan sa mga buot mosakay og ferry boat padung sa Mactan Island o Lapu-Lapu City nga naglikay sa traffic sa duha ka dagkong Mactan bridge.
Continous ang mga 4 ngadto sa 5 ka ferries ang magdagan matag adlaw gikan Pier 3 padung sa Muelle Osmeña Pier o kanang dunggoanan duol sa Birhen Sa Regla nga simbahan. Alas 6 sa buntag hangtod alas 10 sa gabie ang operasyon niini matag adlaw.
Kay taod-taod naman sad ni nga nag operate maong fair lang nga retokehon ang dagway niini alang sa mas komportable nga pagbiyahe sa mga taga Lapu-Lapu City o mga torista o ni bisan kinsa nga buot mosakay sa ferry boat.
Sa pagkakaron kay 12 pesos ang ferry boat fare alang sa mga senior citizens, students ug PWD. Unya 14 pesos ang regular nga pletehan. Ang terminal fee sa Muelle Osmeña Terminal (Lapu-Lapu as starting point) kay 1 peso. Ang terminal fee sa Metro Ferry Terminal/Pier 3 (Cebu City as starting point) kay 2 pesos. Peru sa pagbag-o sa maong facility posible pud nga patas-an ang terminal fee. Peru possibility ra hinuon na.
