Epektibo na kagahapong adlawa, Disyembre 15 ang bag-ong palisiya sa lokal nga panggamhan sa General Santos bahin sa mga gasingabot nga mga Locally Stranded Individual (LSI)kung asa pili nalamang ang mga ibutang sa quarantine facility nga bayaran sa Lokal nga panggamhanan.
Sumala ni Atty. Arnel Zapatos, Gensan City Administrator nga dili na tanan nga naga-uli sa Gensan hilabina sa mga commercial flight ang makonsiderang Locally Stranded Individual (LSI). Dugang ni Atty. Zapatos nga ang mga LSI nga sagad sakay sa mga Mercy Flight ug ang mga nasangpit maoy pabiling i-libre sa mga Quarantine Facility, apan ang mga LSI og mga Authorize Person Outside Residence o APOR nga dili gustong mabutang sa mga Barangay Isolation Unit kon BIU, mamahimong mubalhin sa mga accredited hotel o mga pension house, apan sila na maoy mubayad ug dili ang LGU.
Dugang pahayag ni Atty. Zapatos nga sukad nagadawatan ug LSI ug ROF ang LGU, negotiable ang mga presyo aron usab makadaginot ang lokal nga panggamhanan.
Gani dako matud pa ang nahimong tabang sa mga partner nga hotel, pension house ug uban pang pasilidad sa pagkontrol sa pagkatag sa virus.(LVR)
